Кечээ, 30-декабрда Талас облусунун 80 жылдыгын жыйынтыктоочу иш-чара өттү
Ага Кара-Кыргыз автономдуу облусунун 100 жылдыгы жана Талас облусунун 80 жылдык мааракеде демөөрчүлүк колдоо көрсөткөн тараптар, уюштуруучулар тобу чакырылып, КР Президентинин Талас облусундагы ыйгарым укуктуу өкүлүнүн төш белгилери, ардак грамоталары жана ыраазычылык каттары менен сыйланышты.
Сыйлоо аземинде “Альянс Алтын өнүктүрүү” фондусунун жетекчиси Качкынбаев Баатыр Алымкулович КР Президентинин Талас облусундагы ыйгарым укуктуу өкүлүнүн “Талас 80 жыл” юбилейлик медалы тапшырылды.
Өз кезинде облус жетекчиси Эрмат Джумаев иш-чарага чакырылган жалпы конокторду келе жаткан жаңы жыл менен куттуктап, узап бара жаткан 2024-жыл бүтүндөй өлкө үчүн жаңы бийиктиктерге кадам таштаган жемиштүү жылдардан болгонун белгиледи.
Буга кошумча Кара-Кыргыз автономдуу облусунун 100 жылдыгы жана Талас облусунун 80 жылдык мааракесин белгилөөдө ак дилден ар тараптуу колдоо көрсөткөн жалпы демөөрчүлөргө, уюштуруучулар тобуна жана китептин долбоорун жетектеген түзүүчүлөргө, эмгек пайы бар бардык тараптарга өз ыраазычылыгын билдирди.
