«Жерүй» кениндеги экологиялык коопсуздук маселелери «Альянс Алтын» компаниясынын өндүрүштүк ишмердүүлүгүндө маанилүү орунду ээлейт.
Ишканада заманбап технологияларды колдонуу, өндүрүш процесстерин көзөмөлдөө жана айлана-чөйрөнүн абалына үзгүлтүксүз мониторинг жүргүзүү сыяктуу жаратылышты коргоо чараларынын комплекси ишке ашырылат. Суу ресурстарына, мөңгүлөрдүн абалына жана Талас облусунун табигый экосистемаларын сактоого өзгөчө көңүл бурулат.
Компания өндүрүш аймагындагы экологиялык көзөмөл менен гана чектелбестен, андан тышкары жаратылышты коргоого багытталган демилгелерди ишке ашырып, колдоо көрсөтүп келет. Алардын катарына «Беш-Таш» улуттук жаратылыш паркында маралдардын санын көбөйтүү, тоо дарыяларына балык чабактарын коё берүү, өсүмдүктөрдүн сейрек кездешүүчү түрлөрүн сактоо жана облустун аймагын жашылдандыруу кирет.
Экологиялык изилдөөлөргө Кыргызстандын мамлекеттик лабораториялары жана илимий адистери тартылат. Бул жаратылыш чөйрөсүнүн абалына комплекстүү байкоо жүргүзүүгө мүмкүндүк берет.
«Альянс Алтын» үчүн жаратылышты коргоо ишмердүүлүгү узак мөөнөттүү иш багыттарынын бири бойдон калууда. Ал өндүрүштүк коопсуздукту камсыз кылуу менен бирге Талас облусунун жаратылыш мурастарын сактоого салым кошууну да камтыйт.
