«Альянс Алтын» «Жерүй» кенинде айлана-чөйрөнү коргоо боюнча системалуу иштерин улантууда

«Альянс Алтын» компаниясы өндүрүш ишмердүүлүгүнүн айлана-чөйрөгө тийгизген таасирин азайтуу жана экологиялык коопсуздукту камсыз кылуу маселелерине өзгөчө артыкчылык берет.

«Жерүй» өндүрүштүк комплексинде агынды сууларды тазалоонун заманбап системалары иштейт. Бардык өндүрүштүк объектилер белгиленген экологиялык талаптарга, ченемдерге жана стандарттарга ылайык пайдаланылат.

Кендин аймагында экологиялык мониторинг үзгүлтүксүз жүргүзүлүп турат. Адистер атмосфералык абанын, суунун жана топурактын үлгүлөрүн алып, жаратылыш компоненттеринин абалын көзөмөлдөшөт жана өндүрүш аянтындагы экологиялык көрсөткүчтөрдү баалашат. Мындан тышкары мамлекеттик экологиялык көзөмөл да жүргүзүлөт.

Компаниянын ишиндеги өзүнчө маанилүү багыттардын бири — биологиялык ар түрдүүлүктү жана жаныбарлар дүйнөсүн сактоо. 2026-жылы тармактык адистер менен биргеликте фаунанын абалына байкоо жүргүзүү, ошондой эле жаратылышты коргоо жана биотехникалык иш-чараларды ишке ашыруу улантылууда.

«Жерүй» кениндеги экологиялык көзөмөл системасы жана жаратылышты коргоо боюнча жүргүзүлүп жаткан иштер тууралуу «Альянс Алтын» компаниясынын экологу Нурбек Жуманалиев кеңири айтып берди.