Бул рекорд: «Альянс Алтын» тогуз айдын ичинде Кыргызстандын бюджетине салык катары 10 миллиард сомдон ашык төлөдү.
Бул жылдын алгачкы тогуз айында «Альянс Алтын» мамлекеттик бюджетке салыктар жана милдеттүү төлөмдөр түрүндө 10,5 миллиард сомдон ашык каражат которду. Бул каражаттар пенсияларга жана жөлөк пулдарга, мектептерге, саламаттыкты сактоого жана жолдорго жумшалат – өлкөнүн ар бир тургуну анын таасирин сезе алат. 2015-жылы Жерой кенин өнүктүрүү башталгандан бери компания казынага 34,8 миллиард сомдон ашык каражат которду. Анын ичинен 26,4 миллиард сом алтын сатуудан түшкөн салыктардан түзүлгөн.
Өткөн жылы «Альянс Алтын» өлкөнүн эң ири үч салык төлөөчүнүн катарына кирип, Мамлекеттик салык кызматынын (МСК) рейтингинде экинчи орунду ээледи.
“Бул убакыт аралыгында компания салыктарын өз убагында төлөп, Кыргыз Республикасынын мыйзамдарын так сактап, күчтүү жана кесипкөй команда менен жогорку стандартта иштеп келет. Биз компаниянын өсүү траекториясына абдан кубанычтабыз; анын операциялык натыйжалуулугу жана өлкө экономикасына кошкон салымы жылдан-жылга өсүүдө», — деди Мамлекеттик салык кызматынын төрагасы Алмамбет Шыкмаматов.
Салыктардан тышкары, компания өзү иштеп жаткан аймактын өнүгүүсүнө инвестиция салат. Жалгыз быйыл эле кен жайгашкан Талас облусунун, райондун жана Шумкар-Уя айылынын өнүгүүсүнө 600 миллион сомдон ашык каражат бөлүндү. Бул каражаттар жолдорду оңдоого, инфраструктураны өнүктүрүүгө жана жергиликтүү демилгелерди колдоого жумшалууда.
Учурда компанияда 867 адам эмгектенет, алардын басымдуу бөлүгү Талас аймагынын тургундары. «Альянс Алтын» атайылап жергиликтүү кадрларды артыкчылыкка алат, туруктуу жумуш орундарын түзөт жана адамдарга жаңы көндүмдөрдү өздөштүрүүгө жардам берет.
Компания айлана-чөйрөгө өзгөчө көңүл бурат. «Альянс Алтын» экологиялык коргоо чараларын каржылайт жана кен аймагындагы аба, суу жана топурактын абалын көзөмөлдөйт. Жыл ичинде гана айлана-чөйрөнү коргоого жана табиятты калыбына келтирүү программаларына 70 миллиондон ашык сом бөлүнгөн. «Жашыл мурас» долбоорунун алкагында жазында дарак отургузуу жана жашыл аймактарды кароо иштери жүргүзүлдү.
«Жерудагы ишибиздин өлкөгө жана анын элине пайда алып келиши биз үчүн маанилүү. Биз Кыргызстандын экономикасын өнүктүрүүгө салым кошуп жатканыбызга сыймыктанабыз, – деп белгилейт компания.
