Каражаттар

2015-жылдын 4-майында Жерүй алтын кени чыккан жердин кенин иштетүү жана Жерүй аянтын геологиялык жактан иликтөө максатында кенди пайдалануу укугуна конкурс өткөрүү боюнча Ведомстволор аралык конкурстук комиссиянын чечими менен конкурстун жеңүүчүсү деп «Русская платина» тобуна кирген «Восток-геолдобыча» ААК таанылган.

Конкурста «Восток-геолдобыча» Жерүйдү иштетүүдө төмөнкүдөй инновацияларды сунуштады:

  • Кенди атайын түшүрүү менен жер астында иштетүү жана аянтты ачык ыкма менен иштетүү тутуму.
  • Сенсордук технологияларды колдонуу менен алгачкы алынган кенди кошумча сорттоо.
  • Сорттолгон өнүмдү майдалаганга роллер-прессти колдонуу.
  • Концентраттарды ташууда гидро транспортту колдонуу.
  • Сорбцилык цианиддештирүүнүн алдында гравитациялык байытуу.
  • Озон менен цианидди бөлүп ажыратуу.
  • Кургатылган калдыктарды кампалоо (кургак кампалоо).

Жогорудагы инновациялар төмөнкүдөй ийгиликтерге жетүүгө багытталган:

Экономикалык артыкчылыктар:

  • Сыртта калган түзүмдөрдү азайтуунун натыйжасында камдыктарды көбөйтүү. Баланска кирбеген кендерди баланстык категорияларына которуу, ошондой эле түзүмү аз кенди кайра иштетүүгө кошумча камдыктарды 10-15%га көбөйтүүгө өбөлгө түзөт.
  • Алтын чыгаруучу фабрикага ташып келинген кен өнүмүндө алтындын курамын көбөйтүүнүн эсебинен кен жатактарын иштетүүнүн рентабелдүүлүгүн жогорулатуу.
  • Кен байытуучу фабрикага жумшалуучу капиталдык сарптоолорду анын кубаттуулугун азайтуунун эсебинен азайтуу.
  • Кендин курамын жогорулатуунун эсебинен тереңдикте кайра иштетүүгө чыгымдарды азайтуу.
  • Баштапкы стадияда (майдалоодон кийин) кенден бош тектерди чыгарып таштоонун эсебинен байытуучу фабрикага кенди ташууда транспорттук чыгымдарды азайтуу.
  • Кен жатагын иштетүүнүн мөөнөтүн кыскартуу – же камдыктарды көбөйтүүнүн эсебинен эксплуатация мөөнөтүн узартуу.

Технологиялык артыкчылыктар:

  • Тереңдикте иштетүүдө алтынды казып алууну көбөйтүү.
  • Туруктуу жогорку сапаттагы кенди казып алуунун эсебинен иштин технологиялык режимин оптималдаштыруу.
  • Кендеги алтындын курамын майдалоого жана цианиддештиргенге чейин жогорулатуу.
  • Кен байлыктарды рационалдуу колдонуу жана анын толуктугу.

Экологиялык артыкчылыктар:

  • Алдын ала сорттоодон кийин баштапкы стадияда жана аларды кургак кампалоодо тоо тектеринин ири бөлүктөрүн алуунун эсебинен калдыктар сактагычтын көлөмүн кыскартуу.
  • Бир эле убакытта алтынды чыгарууну көбөйтүү, экологиялык жүктү төмөндөтүү менен байытуучу комплекстин өндүрүштүк кубаттуулугун кыскартуу.
  • Гидротехникалык курулуштарды курууну минималдаштыруу, суюк калдыктар сактагычтын тосмосунун жырылуу коркунучун жок кылуу.
  • Кен жатагын иштетүүдөн кийин калдыктар сактагычты айыл чарба багытындагы жерлер фондуна кайтарып берүү.


Жерүйгө конкурс жөнүндө ЖМК:

ВЕДОМСТВОЛОР АРАЛЫК СЫНАК КОМИССИЯСЫНЫН ЧЕЧИМИ МЕНЕН «ВОСТОК-ГЕОЛДОБЫЧА» ААКсы "ЖЕРҮЙ" АЛТЫН КЕНИН ИШТЕТҮҮ ЖАНА ЖЕРҮЙДҮН АЯНТЫН ГЕОЛОГИЯЛЫК ЖАКТАН ИЛИКТӨӨ МАКСАТЫНДА КЕНДИ ПАЙДАЛАНУУ УКУГУНА ЛИЦЕНЗИЯ АЛЫНАТ

Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттигинин басма сөз кызматы 04.05.2015

Бүгүн 4-майда "Жерүй" алтын кенин иштетүү жана Жерүйдүн аянтын геологиялык жактан иликтөө максатында, кенди пайдалануу укугуна кайра сынак өткөрүү боюнча Ведомстволор аралык сынак комиссиясынын жыйынтыктоочу отуруму өттү.

Сынактын шарттарына ылайык, документтер сынак комиссиясы тарабынан баллдык тутуму боюнча тиешелүү критерийлер менен бааланган. Ведомстволор аралык сынак комиссиясынын чечими менен сынак комиссиясынын жана көзкарандысыз байкоочулардын мүчөлөрүнүн ичинен эсептик комиссиясы түзүлгөн. Эсептик комиссиясынын берген маалыматтары боюнча «Кыргызалтын» ААКсы 305 балл, «Восток-геолдобыча» ААКсы 405 балл алган, башкача айтканда, Сынак өткөрүүнүн шарттарына ылайык, эң жогорку баллды алган «Восток-геолдобыча» ААКсы сынактын жеңүүчү болуп таанылган.

Ошондой эле, Сынактын шарттарына ылайык «Восток-геолдобыча» ААКсы, сынакка коюлган объекттин кени менен пайдалануу укугуна алар сунуштаган сумманы толук төлөгөндөн кийин "Жерүй" алтын кенин иштетүү жана Жерүйдүн аянтын геологиялык жактан иликтөө максатында, кенди пайдалануу укугуна лицензияны алат.

 

Жерүйгө конкурс: Комиссиянын төрагасы Д.Зилалиев кайсы компанияга артыкчылык бергенин айтып берди

Tazabek 04.05.15

4-майда Жерүй алтын кенин иштетүү жана Жерүйдүн аянтын геологиялык жактан иликтөө максатында, кенди пайдалануу укугуна конкурс өткөрүү боюнча конкурстук комиссиянын төрагасы Дүйшөнбек Зилалиев «Мен программасы эң жакшы болгон үчүн «Восток-Геолдобыча» компаниясына добуш бердим», — деп журналисттерге билдирди. Конкурстун жыйынтыгы боюнча «Восток-Геолдобыча» компаниясы Жерүй алтын кенинин жеңүүчүсү болду. Ал конкурс ачык жана таза өттү, - дейт. Төраганын айтуусуна караганда, Кыргызстандын тарыхында мындай ыкмада өткөн бул биринчи конкурс. “Комиссия 8 ай иштеди, комиссия мүчөлөрү – татыктуу адамдар”, - деп кошумчалады Д. Зилалиев. Кыргыз Өкмөтү 2014-жылдын 13-октябрында Жерүй алтын кенин иштетүү жана Жерүйдүн аянтын геологиялык жактан иликтөө максатында кенди пайдалануу укугуна кайра конкурс өткөрүү боюнча конкурстук комиссияны түздү. Тийиштүү буйрукка экс-премьер-министри Жоомарт Оторбаев тарабынан кол коюлган.

17-октябрда комиссия мүчөлөрү Жерүй кени үчүн 100 млн $ баштапкы бааны бекиттип, келе турган инвесторго соттук коромжуларды жүктөөнү сунуштады. КРнын Юстиция министрлиги 2015-жылдын 10-февралында Жерүй кен жатагына конкурстун шарттарынын долбооруна оң корутунду берди. Өкмөт 2015-жылдын 1-февралында Жерүй алтын кенинин жер казынасын пайдалануу укугуна 100 млн $ минималдуу баа менен конкурс жарыялады.

23-мартта Жерүй алтын кенине табыштама 2 орус компанияларынан жана “Кыргызалтындан” келип түштү. Саат 16:00гө карата «Восток-геолдобыча» ААКнан (РФ), «Алданзолото ГРК» ААКнан (РФ) [Polyus Gold компаниясынын туунду компаниясы] жана «Кыргызалтын» ААКнан табыштамалар келип түштү. Андан кийин 3 компания теӊ конкурстун экинчи этабына өтүп, анын жүрүшүндө «Алданзолото ГРК» ААКу конкурска катышуудан баш тартты.

 

"Восток-геолдобыча" ААКсы "Жерүй" алтын кени чыккан жерди иштетүүгө укуктуу болду

Назгуль Бегалиева, «Вечерний Бишкек» 2015-жылдын 4-майы

Бүгүн 4-майда конкурстук комиссиянын отурумунда Жерүй алтын кенин иштетүү укугуна жеңүүчү аныкталды. Конкурста Жерүйгө “Восток-геолдобыча” ААК, ошондой эле Unity Gold Mining инвестору болгон, “Кыргызалтын” ААКу катышканын белгиленди. Муну менен бирге өкмөт Unity Gold Mining өлчөмүндө баштапкы бааны койгон. Мындан тышкары, инвестор Кыргызстандын жана анын Өкмөтүнүн кызыкчылыктарын мурдагы лицензиаттардын доолору, ошондой эле бүт чыгымдардын ордун толтуруу боюнча эл аралык жана жергиликтүү соттордо коргоо боюнча милдеттенмени алуу керек.

Ошентип, отурумдун жыйынтыктары боюнча “Восток-геолдобыча” ААКу 405 балл алып, “Кыргызалтын” ААКу – 305 балл алган.

Лицензия алууга табыштамаларды үч компания бергенин эске салуу керек:

  • "Кыргызалтын". 100% акция мамлекетке тиешелүү. Жерүйдү иштетүүгө каражаттарды “Кыргызалтын” “Англиядан инвестордон” алууну көзөмөлдөп жатат. Улуу Британияда катталган, бирок интернет-мейкиндикте жалгыз “Кыргызалтын” менен сүйлөшүүлөр менен гана белгилүү болгон Unity Gold Mining компаниясы жөнүндө сөз болуп жатат.
  • "Восток-геолдобыча" ААК. Экс-премьер-министр жана саясатчы, бизнесмен Өмүрбек Бабанов менен бирге мунай бизнесине ээ болгон Муса Бажаевдин "Русская платина" компаниялар тобуна кирет.
  • "Алданзолото ГРК" ААК. Россиялык Polyus Gold ири компаниясынын түзүлүшү. Дүйнөдө алтын иштетүүчү Сулейман Керимовго жана анын өнөктөштөрүнө тиешелүү. Бирок 28-апрелде Жерүй кен жатагы боюнча конкурстук комиссиянын отурумунда “Алданзолото ГРК” ААКнын конкурска катышпагандыгы тууралуу белгилүү болгон. Комиссиянын катчысы Руслан Курумшиевдин айтуусу боюнча компания экинчи турга катышуу үчүн керектүү документтерди тапшырган эмес. Ал эми компаниянын өкүлдөрү катышуудан баш тартуунун себептерин тактап беришкен жок.

Кыргызстанда көлөмү боюнча Жерүй ири экинчи алтын кен жатагы деп саналат. Анын камдыктар – 2,9 млн унцияны түзөт. Бирок иштетүүгө инвестициялар тобокелдиктерге учурашы мүмкүн: долбоордун мурдагы инвестору 2010-жылы эл аралык арбитражда Жерүйгө лицензияны (60% акция) кайра чакыртып алууну талаш-тартыш болот. Ошентип, компания Consolidated Exploration Holdings кыргыз Өкмөтүнө 548 млн доллар өлчөмүндө доо коюлган. Калган "Жерүйалтында" 40% акциясына "Кыргызалтын" ээлик кылат. Казак холдингинин Visor турган Consolidated Exploration Holdings дооматы өкмөттөн лицензияны кайтарып алуу үчүн компенсация өндүрүп алуусунда турат. Инвестициялык талаш-тартыштарды жөнгө салуу боюнча эл аралык борборунда (Вашингтон) ушул жылдын ноябрына дайындалган.

“Восток-геолдобыча” ААКнун тарабынан мурдагы лицензиаттары жана доогерлер Visor, ICSID No арбитраждык иш боюнча доогер болуп чыккан Consolidated Exploration Holdings компаниясы менен сүйлөшүүлөрдүн натыйжасында инвестициялык талаш-тартыштар жөнгө салынып, ICSID No. ARB/AF/13/1 иши боюнча доогерлер жана жоопкер Кыргыз Республикасы менен арбитраждык териштирүүлөрдү токтотуу жөнүндө тынчтык макулдашуусуна кол коюлган.

2015-жылдын 2-августунда Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттик “Альянс Алтын” ЖЧКсына 2035-жылдын 28-августуна чейин Жерүй кен жатагын иштетүү максатында жер казынасын пайдалануу укугуна 4230 АЕ лицензиясын жана 2020-жылдын 28-августуна чейинки пайдалауу мөөнөтү менен Жерүй аянтында геологиялык-чалгындоо иштерди жүргүзүү максатында жер казынасын пайдаланууга 4231 АР лицензиясын берген.