13.05.2025

Талас шаарындагы “Таза суу” муниципалдык ишканасынын техникалык базасы жаңыланды. Ишканага 18 кубдук жаңы үлгүдөгү “Хово ассенизатор” берилди. Анын баасы 5 миллион 650 миң сомду түздү.

Бул демилге шаар мэриясы жана “Таза суу” ишканасы тарабынан көтөрүлүп, Президенттин облустагы ыйгарым укуктуу өкүлчүлүгү аркылуу “Альянс Алтын” өнүктүрүү фондусуна сунушталган. Натыйжада, долбоор фонддун байкоочу кеңеши тарабынан жактырылып, каражат кайтарымдуу негизде бөлүндү.

Белгилей кетсек, “Альянс Алтын” өнүктүрүү фонду буга чейин да “Таза суу” ишканасынын тейлөө шарттарын жакшыртууга багытталган бир катар долбоорлорду колдоп келген.

Бул аракеттердин баары муниципалдык ишкананын шаар тургундарына сапаттуу жана үзгүлтүксүз кызмат көрсөтүүсүнө багытталган.