16.10.2018

Таластагы "Жерүй" алтын кенин иштетуучу фабриканын курулушунун алкагында Негизги подстанциянын курулушу аяктап калды.

Жумуштук долбоорду жана курулуш-монтаждоо иштерин ишке ашырууда Кыргызстандагы электр тармагында ири тажрыйбага ээ «Электросила» ЖЧК компаниясы камсыздоодо. Буга чейин жогорудагы аталган компания 100-дөн ашык трансформатордук подстанцияларды орнотушкан жана 40 километрдей кабельдик, ошондой эле аба линияларын дагы ишке киргизишкен.

Жерүйдөгү курулуш-монтаждоо иштери боюнча ЖЧК "Электросила" компаниясы Кыргызстандагы мыйзамдарга жана эрежелерге ылайык ишти сапаттуу алып барып жатат десек жаңылышпайбыз. Подстанцияны курууда заманбап сапаттуу жабдыктар Орусиядан алынып келинип, жалпы курулушка кеткен чыгым 303 миллион сомду түздү.

2018-жылдын ноябрь айында подстанцияны текшерүү үчүн иштетилип көрүлөт, андан кийин декабрдын башында иштөөгө уруксат алуу үчүн мамлекеттик комиссиядан өткөрүү иштери турат.

Ал эми 2019-жылдын январь айынан баштап курулуш-монтаждоо иштери толук аягына чыгып, Жерүйдөгү обьектилерди электр менен камсыз кылуу иштери ишке киргизиле баштайт. Муну менен бирге ЖЧК "Электросила" компаниясынын ишкердуүлүгүнө коңшу жайгашкан аймактагы айыл тургундары дагы кызыкдар болууда.

"Альянс Алтын" компаниясы ЖЧК "Электросила" компаниясынын аткарган жумуштарына жалпысынан бардык талаптарга жооп бергендигин белгилеп, мындан ары дагы иштешүүгө кызыктар экендигин билдирди.